Andijon shahrida tanishini o‘tkir tig‘li jism bilan jarohatlagan shaxs qamoqqa olindi, deya xabar bermoqda viloyat IIB.
Qayd etilishicha, 2021-yilning 24-may kuni soat 19:30 larda fuqaro I.I. Andijon shahar “Bunyodkor” MFY joylashgan xonadonlarning birida o‘ziga oldindan tanish bo‘lgan O.A. bilan o‘zaro janjallashib, uning bel va tomoq qismiga o‘tkir tig‘li jism bilan zarba bergan.
Sud-tibbiy ekspertizasining xulosasiga ko‘ra, O.A.ga chap bel sohasiga 1,5 santimetr kirgan, bo‘yin dahan osti sohasida o‘tkir jism bilan kesilgan, sanchilgan jarohati; badanida qontalash va shilinmalar kabi sog‘liqni uzoq muddatga buzilishiga olib kelgan o‘rtacha og‘ir tan jarohati yetkazilgan.
Mazkur holat yuzasidan I.I.ga nisbatan Andijon shahar IIO FMB huzuridagi Tergov bo‘limi tomonidan Jinoyat kodeksining 105-moddasi 2-qismi “m” bandi (qasddan badanga o‘rtacha og‘ir shikast yetkazish) bilan jinoyat ishi qo‘zg‘atilib, tergov harakatlari olib borilmoqda.
Jinoyat ishi bo‘yicha gumonlanuvchiga ayblov e’lon qilingan va qamoqqa olish tarzidagi ehtiyot chorasi qo‘llanilgan.
Bundan avval Buxoroda xotini tomonidan temir karavotga bog‘lab qo‘yilgan mast erkak vafot etgani, Samarqandda tanishini mix bilan o‘ldirgan yigit videosini tarqatgan shaxs 7 sutkaga qamalgani hamda Farg‘onada tanishini 21 marta pichoq urib o‘ldirgan erkak 19 yilga ozodlikdan mahrum etilgani haqida xabar berilgandi.
Izoh (0)