Gretsiyada hukumat to‘rt kunlik ish haftasini joriy qilmoqchi. Aholi esa bunga qarshi namoyishlar o‘tkazmoqda

Gretsiya aholisi pandemiya boshidan buyon birinchi marta namoyishga chiqdi va hukumat tomonidan taklif qilingan mehnat bozori islohotidan noroziligini bildirdi, deb yozmoqda Bloomberg.

Kelasi hafta parlamentda ovozga qo‘yiladigan qonun loyihasi bandlaridan biriga ko‘ra, ish haftasi to‘rt kungacha qisqaradi, lekin ish kuni uzaytiriladi.

Thousands take to #Athens streets to oppose draft #Labour bill#Greece #Strike #WorkersRights pic.twitter.com/ynBShWbS4q

— Ruptly (@Ruptly) June 10, 2021

Shu munosabat bilan Gretsiya kasaba uyushmalari Yevropada ishsizlik darajasi bo‘yicha mamlakatning eng yuqori ko‘rsatkichga ega bo‘lgani sababli ish beruvchilar o‘z ishchilarini ekspluatatsiya qilishi va ishchilarning ta’tilga chiqishi qiyin bo‘lib qolishidan xavotirda ekanini bildirdi.

Unions in Greece launch a general strike against labour reforms amid fears that their rights are being eroded. Journalist Valentini Anagnostopoulou reports pic.twitter.com/kMKp7zYsHj

— TRT World Now (@TRTWorldNow) June 10, 2021

Nashr ma’lumotlariga ko‘ra, ish tashlashlar mamlakatning ko‘plab sohalarini, xususan, transport sohasini qamrab oldi. Gretsiyada sayyohlar uchun chegaralar yaqinda ochilgan edi, endilikda mamlakatda poyezdlar va kemalar harakati to‘xtatildi.

Avvalroq Iordan daryosining g‘arbiy sohilida va Isroilning arablar yashaydigan boshqa mintaqalarida umumiy ish tashlash e’lon qilingani haqida xabar berilgan edi.