O‘zbekistonda 10-iyun kuni jami 51 634 kishi COVID-19’ga qarshi emlandi, deb xabar berdi Sog‘liqni saqlash vazirligi matbuot xizmati. Shulardan 20 141 nafari birinchi bosqichda, 24 798 nafar fuqaro ikkinchi bosqichda hamda 6695 nafar fuqaro esa uchinchi bosqichda emlangan.

Foto: SSV matbuot xizmati

Hozirgi kungacha O‘zbekistonda koronavirusga qarshi 2 529 608 doza vaksinadan foydalanildi, ularning 32 132 dozasi uchinchi va 945 645 dozasi ikkinchi bosqichda qo‘llanilgan. Shunga ko‘ra, mamlakatda jami emlanganlar soni 1 551 822 kishini tashkil etmoqda.

10-iyun kunidagi emlash ko‘rsatkichlari bo‘yicha yuqori o‘rinlarni

  • Andijon viloyati (6932 doza),
  • Toshkent shahri (6676 doza),
  • Namangan viloyati (5355 doza) band qildi.

Koronavirusga qarshi emlangan jami aholi soni

  • Farg‘ona viloyatida 303 344 doza,
  • Namangan viloyatida 296 296 doza,
  • Andijon viloyatida 295 752 doza,
  • Samarqand viloyatida 234 980 doza,
  • Toshkent viloyatida 205 985 dozani tashkil qilmoqda.

Eslatib o‘tamiz, mamlakatda koronavirusga qarshi qo‘llanilgan vaksinalar soni 2 millionlik marradan 31-mayda o‘tgandi.

Ma’lumot uchun, O‘zbekistonning vaksina zaxirasi 5,4 million dozaga yetdi. 10-iyun kuni ZF-UZ-VAC2001 vaksinasining million dozadan iborat 5-partiyasi, shuningdek, “Sputnik V” vaksinasining 70 ming dozalik 2-komponenti olib kelingandi.