Bugatti kompaniyasi standart Chiron’ning takomillashtirilgan versiyasi hisoblanuvchi Super Sport versiyasini taqdim etdi, deb xabar beradi Topgear.
Avtomobilning quyruq qismi 25 santimetrga uzunlashgan bo‘lib, u mashinaning havoga nisbatan qarshiligini maksimal darajada kamaytirishga xizmat qiladi. Shuningdek, diffuzor va gaz chiqarish tizimi qayta ishlangan — chiqindi gazlar oqimi minimumga yetkazilgan.
“Biz qit’alararo sayohat uchun ideal darajada mos keladigan transport hisoblanuvchi buyuk gran-turizmo bilan shug‘ullanyapmiz”, — deydi Bugatti rahbari Stefan Vinkelman.
Chiron Super Sport saloni charm, alyuminiy va uglerod plastik bilan qoplangan, kapoti ostidan 1600 ot kuchini taqdim etishga qodir W13 dvigateli o‘rin olgan. Maksimal tezligi — soatiga 440 kilometr.
Jami to‘qqiz nusxada ishlab chiqariladigan Bugatti Chiron Super Sport’ning har birining narxi 3 901 216 dollarni tashkil etadi. “Afisha.uz”ning yozishicha, bu pulga O‘zbekistonda 121 ta Chevrolet Trailblazer sotib olish mumkin.
Avvalroq Bugatti Veyron Super Sport’ning so‘nggi nusxasi auksion orqali sotilgani to‘g‘risida xabar berilgandi.