UEFA Superligada qolishga qaror qilgan “Real”, “Barselona” va “Yuventus”ga qarshi ishlarni to‘xtatdi. Bu haqda tashkilot rasmiy saytida ma’lum qilindi.

Foto: Twitter

Superliga loyihasi tufayli UEFAning normativ-huquqiy bazasi buzilganligi uchun ushbu jamoalarga nisbatan may oyining so‘ngida intizomiy ish choralari boshlangan edi.

Avvalroq Superliga tashkilotchilari UEFA va FIFA raqobat qoidalarini buzgani uchun Yevroittifoq sudiga ariza topshirgan edi.

2021-yilning 18-aprel kuni 12 klub boshchiligida Yevropa Superligasiga asos solingandi. Oradan ikki kun o‘tib qator klublar birin-ketin loyihani tark eta boshladi va Superliga loyihasi vaqtincha to‘xtatildi. Ayni damda faqat “Real”, “Barselona” va “Yuventus” loyihadan voz kechmagan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!