Shavkat Mirziyoyevning Tojikistondagi rasmiy tashrifining ilk kuni — suratlarda

Avval xabar berilganidek, O‘zbekiston Prezidenti Shavkat Mirziyoyev Tojikiston prezidenti Emomali Rahmonning taklifiga binoan 10-iyun kuni rasmiy tashrif bilan Tojikistonga keldi.

Tashrifning ilk kunida davlat rahbari Dushanbe xalqaro aeroportida tantanali kutib olindi, “Qasri Millat” qarorgohida uyushtirilgan tantanali marosimda qatnashdi. Shu yerning o‘zida ikki davlat rahbarlari avvaliga tor, keyin kengaytirilgan tarkibdagi uchrashuvlarda ishtirok etdi. Bundan tashqari Samarqand va Xatlon viloyatlarida qurilgan ijtimoiy obyektlarning ochilish marosimi o‘tkazildi. Tadbirlar yakunida Qo‘shma bayonot imzolanib, ommaviy axborot vositalari uchun brifing tashkil etildi.

“Daryo” fotomuxbiri ushbu tadbirlarning e’tiborga molik lahzalari aks etgan fotojamlanmani taqdim etdi.

“Qasri Millat” qarorgohida O‘zbekiston Prezidentini rasmiy kutib olish marosimi

Tor doiradagi uchrashuv 

Kengaytirilgan tarkibdagi muzokaralar

Ijtimoiy obyektlarning ochilish marosimi

Qo‘shma bayonot 

OAV vakillari uchun brifing

Eslatib o‘tamiz, Prezident matbuot kotibi Sherzod Asadov 7-iyun kuni o‘tkazilgan brifingda “O‘zbekiston Prezidenti 10—11-iyun kunlari Tojikistonga rasmiy tashrif bilan boradi. Asosiy muzokaralar tashrifning birinchi kuni Dushanbe shahrida bo‘lib o‘tadi. Tashrifning ikkinchi kunida Xo‘jand shahrida qator tadbirlar rejalashtirilgan”, — deya xabar bergan edi.

Ma’lumot uchun, Shavkat Mirziyoyev davlat tashrifi bilan Tojikistonga 2018-yil mart oyida, so‘ng 2018-yilning sentabr oyi oxirida borgandi. Keyinchalik, 2019-yil 14-iyunida Osiyoda o‘zaro hamkorlik va ishonch choralari bo‘yicha konferensiyaning beshinchi sammitida ishtirok etish uchun Tojikistonga borgan.