Qozog‘iston Respublikasi 2021-yil 17-aprelda imzolagan shartnomaga muvofiq Tojikistonga bir martalik harbiy-texnik yordam yuboradi. Bu haqda Asia-Plus xabar berdi.
Qozog‘iston Mudofaa vazirligi veb-saytida xabar qilinishicha, Qozog‘iston Tojikistonga 3 million 240 dona PS 5,45 millimetrlik o‘qli patronlar, 20 ming 76 dona 23 millimetrlik o‘q-dorilar va 10 ming dona 82 millimetrlik minomyot o‘qlari yuboradi.
Qozog‘iston Mudofaa vazirligi yuborilayotgan mol-mulk Qozog‘istonda ishlatilmasligi va ortiqcha miqdorda ekanini ta’kidladi, shuning uchun uning o‘rnini to‘ldirish uchun budjet mablag‘lari talab qilinmaydi. Shuningdek, loyiha davlat va mahalliy budjetdan qo‘shimcha moliyaviy xarajatlarni talab qilmasligi ham aytilgan.
Qozog‘iston harbiy texnikani Tojikistonga Jambil viloyati “Otar” temiryo‘l stansiyasi orqali Dushanbedagi “Rohati” temiryo‘l stansiyasiga yetkazib beradi, u yerda vakolatli organlar yordamni qabul qilib, o‘tkazadi.
Ayni paytda Qozog‘iston Qirg‘izistonga ham harbiy yordam beradi. Loyihaga ko‘ra, Qirg‘izistonga quyidagilar yuboriladi:
- PS 5,45 millimetrlik o‘qli patronlar — 6 million dona;
- yuqori portlovchi jangovar kallak bilan 122 millimetrlik reaktiv snaryad — ming dona;
- to‘q sariq tutaydigan yerusti signal patronlar — ikki ming dona;
- 26 millimetrlik sariq olovli signal patronlar — ming dona;
- “Vostok-SP” ovoz tutish posti — to‘rt dona;
- “Galaktika” reaktiv uchirish qurilmasi — olti dona;
- “Kalina 12x80” antenna kommutator — bitta qism.
Vazirlik ma’lumotlariga ko‘ra, 2019-yil dekabr oyida Tojikiston Mudofaa vazirligi tojik-afg‘on chegarasi hududida vaziyatning og‘irlashishi munosabati bilan harbiy-texnik yordam uchun Qozog‘istonga murojaat qilgan. Bepul harbiy-texnik yordam ko‘rsatish to‘g‘risida hukumatlararo bitim ishlab chiqilgan bo‘lib, u 2021-yil 17-aprelda imzolangan.
Bundan tashqari, vazirlik ma’lum qilishicha, 2-mart kuni xuddi shunday shartnoma Qirg‘iziston bilan ham imzolangan.
“Ya’ni, Qirg‘iziston va Tojikiston bilan ushbu shartnomalar ushbu mamlakatlar o‘rtasidagi chegara ziddiyatlari avj olguncha imzolangan. Hozirda shartnomalarni ratifikatsiya qilish ishlari olib borilmoqda.
Ushbu mamlakatlarga harbiy-texnik yordam ko‘rsatish Qirg‘iziston va Tojikiston o‘rtasidagi chegara mojarolarini rivojlanishiga ko‘maklashmoqchi emas. Ushbu bitimlar xalqaro koalitsiya mamlakatlari harbiy kontingentining Afg‘onistondan olib chiqilishi rejalashtirilgani munosabati bilan imzolangan edi.
Bundan tashqari, Qirg‘iziston va Tojikistonga harbiy-texnik vositalarni yetkazib berish ular mavjud qarama-qarshiliklarni bartaraf etish va vaziyatni normallashtirish bo‘yicha kelishuvlarga erishgandan keyingina amalga oshiriladi”, — deya qayd etilgan Qozog‘iston Mudofaa vazirligi matbuot xizmatida.
Vazirlik aniqlik kiritishicha, Qirg‘iziston va Tojikiston ishtirok etgan jamoaviy xavfsizlik bo‘yicha KXShT (Kollektiv xavfsizlik shartnomasi tashkiloti) shartnomasiga binoan, shartnomaga a’zo mamlakatlar bir-biriga qarshi kuch ishlatishdan yoki tahdid qilishdan tiyilishi shart. Shu munosabat bilan ular tomonidan harbiy-texnik yordam chegaradagi nizolarni hal qilishda foydalanilmasligi kerak.
Izoh (0)