O‘zbekistonning barcha hududlarida 2021-yil 9–10-iyun kunlari umumta’lim fanlarini bilish darajasini baholashning milliy test tizimi uchun test sinovlari bo‘lib o‘tadi, deya xabar bermoqda Davlat test markazi.
Test sinovlari Qoraqalpog‘iston Respublikasi, viloyatlar va Toshkent shahrida 2 smenada tashkil etilib, quyidagi muddatlarda o‘tkaziladi:
- 9-iyun 1-smena — kimyo;
- 9-iyun 2-smena — matematika;
- 10-iyun 1-smena — biologiya;
- 10-iyun 2-smena — ona tili va adabiyot (o‘zbek tili va adabiyoti, rus tili va adabiyoti, qoraqalpoq tili va adabiyoti).
Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat – pasport (ID-karta) bilan kelishlari so‘raladi.
Test sinoviga kechikkan yoki kelmagan talabgorlar uchun qo‘shimcha test sinovi o‘tkazilmaydi.
Izoh (0)