Adliya vaziri Ruslanbek Davletov AOKAda 9-iyun kuni o‘tkazilgan matbuot anjumanida yer munosabatlarini tartibga solishni nazarda tutuvchi Prezident farmoni nima uchun jamoatchilik muhokamasiga qo‘yilmaganiga izoh berdi.
“Farmon jamoatchilik muhokamasiga, bevosita regulation.gov.uz saytiga qo‘yilmadi. Sababi biz aytgan guruh juda qattiq ishlarni olib bordi. Farmon e’lon qilinib, jamoatchilik muhokamasida tursa, noqonuniy jarayonlar birdan kuchayib ketishi ehtimoli bor edi. Shuning uchun Bosh prokuratura nazorati ostida moratoriy e’lon qilinib, shu yo‘sinda farmon qabul qilindi... Har xil o‘yin bo‘lib ketmasligi, davlat miqyosida yerlar talon-toroj qilinmasligi uchun mana shunaqa yondashuv qilindi”, — deya uning so‘zlarini keltirgan “Gazeta.uz”.
Uning qo‘shimcha qilishicha, davlat miqyosida yerlar talon-toroj qilinmasligi maqsadida shunday yondashuv qilindi, biroq javobgarlik bo‘yicha qonun muhokamasi jamoatchilikka taqdim etildi va juda yaxshi kutib olindi. Unda barcha mexanizmlar batafsil yozilgan.
Izoh (0)