Ba’zida hammaga ham ozroq ilhom kerak bo‘ladi. Ta’sirli, hayotiy va mazmunan teran hisoblangan ushbu filmlar yashashga bo‘lgan ishonchni yanada orttiradi.
“2+1”
Ushbu kartina hech kimni befarq qoldirmagan bo‘lishi aniq. Bosh qahramon Samuel hayotdan zavqlanib, bo‘sh vaqtini ish bilan birlashtiradi. Bir kuni uning sobiq sevgilisi unga qizi borligi haqida kutilmagan yangilikni aytadi. So‘ngra u go‘dakni sarosimaga tushgan Samuelga qoldirib, Londonga yo‘l oladi. O‘zining oddiygina turmushidan ajralishni istamagan qahramon go‘dak bilan birga onasini izlaydi, lekin tez orada qizi uning hayotining bir qismiga aylanganini tushunadi va undan voz kechishni istamaydi.
“Toskana quyoshi ostida”
Sevimli insonlari bilan ajrashmoqchi bo‘lganlarga ushbu filmni tomosha qilish tavsiya etiladi. Filmning asosiy qahramoni, yozuvchi Frensis ishdagi muvaffaqiyatsizlik va o‘zini aldayotgan eridan ajrashganligi sababli chuqur tushkunlikka tushib qoladi. Frensisni qo‘llab-quvvatlamoqchi bo‘lgan do‘sti unga Italiyaga borish uchun chipta beradi va u San-Fransiskodan qisqa vaqtga ketishga rozi bo‘ladi. Toskana shahrining muloyim quyoshi, yashil landshaftlari va mahalliy aholining osoyishtaligi bilan hayratga tushgan Frensis ta’tilini uzaytirishga qaror qiladi va u yerdagi ko‘chmas mulkni sotib oladi. Tez orada Frensis tushkunlikdan chiqib, eri haqida qayg‘urishni to‘xtatadi.
“Hali hayot oldinda”
Kartina Sofiya Lorenning kenja o‘g‘li Edoardo Ponti tomonidan suratga olingan. Unda o‘n yil davomida katta ekranga chiqmagan Sofiya madam Roza rolini ijro etgan. U nafaqat o‘jar, balki mayda jinoyatchilik bilan ham shug‘ullanadigan senegallik 12 yoshli muhojirga g‘amxo‘rlik qilish uchun tayinlanganda Roza buni jazo sifatida qabul qiladi. Ammo tez orada uning bola bilan bo‘lgan munosabati samimiy va ta’sirchan do‘stlikka aylanadi.
“Xorchilar”
Ushbu film tarbiyasi og‘ir o‘smirlar uchun maktab-internatiga ishga joylashib, ularni qayta tarbiyalashga harakat qiladigan musiqa o‘qituvchisi haqida hikoya qiladi. Faqatgina tajovuzkor va shafqatsiz ta’lim choralarini ko‘radigan maktab-internat rektoridan farqli o‘laroq, mazkur qahramon bolalarni musiqa kuchi bilan o‘zgartirmoqchi. U maktab xorini tashkil qiladi. Film oxiriga kelib, insonning mehri tog‘larni siljitishi, sevgisi esa yuraklarni eritishi mumkinligining guvohi bo‘lishi mumkin.
“Qismatga qasdma-qasd”
Nemis rejissori Mark Rotemundning ushbu ta’sirchan komedik dramasi real voqealarga asoslangan. Ushbu film o‘ziga ishonchni orttirishga va orzuga birinchi qadamni qo‘yishga yordam beradi. Shri-Lanka fuqarosi Saliya bolaligida besh yulduzli mehmonxonaga tashrif buyurgan va shu vaqtdan beri mehmonxonalar biznesida ishlashni orzu qilgan. Shuningdek, u nafaqat har qanday joyda, balki aynan Myunxendagi eng yaxshi mehmonxonada. Maktabni tugatish vaqti kelganida Saliya to‘satdan ko‘rish qobiliyatini yo‘qotishni boshlaydi. Ammo qahramon taslim bo‘lishni xohlamaydi. Biroz omad, do‘stlarning yordami va o‘ziga bo‘lgan ishonch uning muvaffaqiyati uchun yo‘l ochadi.
Izoh (0)