Shahzoda Garri va uning rafiqasi Megan Markl qiz farzandli bo‘lganini e’lon qildi, deb xabar beradi “Film.ru”.

Foto: “Film.ru”

Qizaloqqa Lili ismi qo‘yilgan bo‘lib, uning to‘liq ismi — Lilibet Diana Mauntbatten-Vindzor (Yelizaveta II ning buvisini buvisi va malika Diana sharafiga tanlangan).

Ma’lumotlarga ko‘ra, Lili 4-iyun kuni tongda Kaliforniyadagi Santa-Barbara shifoxonasida dunyoga kelgan. “Biz uchun o‘ziga xos bo‘lgan ushbu davrdagi hech narsani o‘rnini bosa olmaydigan mehribonligingiz va qo‘llab-quvvatlovingiz uchun minnatdormiz”, — deyiladi juftlikning bayonotida.

Lili Garri va Meganning 2019-yilda tug‘ilgan Archi Xarrison Mauntbatten-Vindzor ismli og‘lidan keyingi ikkinchi farzandi hisoblanadi.

Avvalroq Megan Markl iyun oyida “O‘rindiq” nomli bolalar kitobini sotuvga chiqarishi va u shahzoda Garri hamda o‘g‘li Archi haqidagi hikoya uchun 700 ming dollar avans olishi, Gollivudda Megan Markl tasviri tushirilgan graffiti paydo bo‘lgani to‘g‘risida xabar berilgandi.