Britaniyaning Tom Hartley Junior auksionida Bugatti Veyron giperkarining ekstremal modifikatsiyaga ega Super Sport versiyasining tartib raqami 48 bo‘lgan so‘nggi nusxasi sotildi, deb xabar beradi Motor.

Foto: Tom Hartley Junior

Bugatti Veyron giperkarining Super Sport nomi ostidagi eng samarali versiyasi cheklangan 48 nusxada ishlab chiqarilgan. Ularning so‘nggisi Britaniyaning Tom Hartley Junior auksionida sotilgan, biroq lotning qiymati hamon maxfiy saqlanmoqda — u potensial xaridor bilan amalga oshirilgan muzokaralar davomida oshkor etilishi aytilgan edi. Tartib raqami 48 bo‘lgan nusxaning kuzovi xira qora rangga bo‘yalgan, interyeri qizil charm bilan qoplangan.

So‘nggi Bugatti Veyron Super Sport’ning so‘nggi nusxasi 2016 kilometr yo‘l bosgan, oxirgi texnik xizmat yaqinda — 24-fevralda Londondagi dilerda ko‘rsatilgan.

2014-yilda giperkar ustida amalga oshirilgan reglament ishlari davomida mashinaning barcha shinalari yangilangan — shundan buyon avtomobil 11 kilometrgina yo‘l bosgan. Bundan tashqari, xaridor so‘nggi Super Sport bilan birga, Bugatti’ning uzaytirilgan kafolatiga ega bo‘ladi — u 2022-yilgacha amalda. Avtomobil 2018-yilda Bonhams auksioni orqali ham sotilgan edi — uning odometridagi ko‘rsatkich o‘shanda 885 kilometrni tashkil etgan. Bugatti Veyron Super Sport’ga 1200 ot kuchini taqdim etishga qodir 8,0 litrli W16 dvigateli o‘rnatilgan. 2010-yilda modifikatsiya qilingan Super Sport maksimal tezlik borasidagi jahon rekordini o‘rnatgan — soatiga 431 kilometr.

Avvalroq Fransiyada Bugatti va qiruvchi samolyot o‘rtasida poyga uyushtirilgani to‘g‘risida xabar berilgandi.