O‘zbekistonda bitiruvchilarning yakuniy imtihonlari Davlat test markazi tomonidan amalga oshiriladi, oldingi yil bitiruvchilari kirish test imtihonlarini topshiradi. Bu haqda AOKAda bo‘lib o‘tgan brifingda Davlat test markazi axborot xizmati rahbari Orziqul Boboyev ma’lum qildi.
“Keyingi yillarda bitiruvchilarga davlat tomonidan oliy ta’lim olish bo‘yicha katta imkoniyatlar, shart-sharoitlar yaratilmoqda. Shulardan biri sifatida bitiruvchilarning ortiqcha ovora bo‘lmasliklari, faqat bir marta imtihon topshirish bilan OTMga kirish imkoniyatini yaratish nazarda tutilmoqda”, — deydi Boboyev.
Ta’kidlanishicha, maktab, akademik litseylar bitiruvchilarining yakuniy davlat imtihonlarini kirish test sinovlariga tenglashtirish, ya’ni unifikatsiya qilish to‘g‘risida qaror loyihasi ishlab chiqilgan va tegishli davlat organlariga taqdim etilgan. Lekin oldingi yillarda bitirgan abituriyentlar uchun kirish test sinovlari alohida o‘tkaziladi.
Shu o‘rinda eslatish lozim, bitiruvchilarning yakuniy imtihonlari Davlat test markazi tomonidan amalga oshiriladi. Oliy ta’lim muassasalariga kirish test sinovlari qanday tartibda bo‘lsa, yakuniy davlat imtihonlari ham shu tartibda tashkil etiladi (maktablarda emas).
Avvalroq O‘zbekiston maktablarida yakuniy imtihonlardan o‘tolmagan o‘quvchilar ikki hafta o‘tgach qayta topshirishi mumkinligi, shunda ham o‘ta olishmasa, sinfdan qoldirilishi to‘g‘risida xabar berilgandi.
Mavzuga doir:
- Toshkentda mahalliy OTMlarga o‘qishga kirish niyati yo‘q bitiruvchi sinf o‘quvchilari soni ma’lum bo‘ldi
- 1 million dollarlik grant yutgan, eng kuchli iqtisodchi va xalq ta’limi vaziri bo‘lishni orzu qilgan o‘quvchilar. Prezident maktabining ilk bitiruvchilari bilan suhbat
- Sherzod Shermatov o‘quvchilari OTMga kira olmagan maktablar soni 2020-yilda 3 barobarga kamayganini ma’lum qildi
Izoh (0)