“Auto.ru” saytida 1956-yilda ishlab chiqarilgan qora “GAZ-12 ZIM” sotuvga qo‘yilgani to‘g‘risida e’lon paydo bo‘ldi. Partiya nomenklaturasi avtoparki tarkibiga kirgan sovet sedani juda yaxshi holatda saqlangan. 90 ot kuchiga ega dvigatel o‘rnatilgan va hozirga qadar 60 ming kilometr yo‘l bosgan noyob avtomobilni 7,7 million rublga (105 ming dollar) sotish rejalashtirilmoqda, deb xabar beradi Motor.

Foto: “Auto.ru”

“GAZ-12 ZIM” birinchi bor 1950-yilda taqdim etilgan bo‘lib, Gorkiy zavodining birinchi seriyalik hukumat avtomobiliga aylangan. Model mashhur “GAZ-13” (“Chayka”) ning davomchisi hisoblanadi va u tezda SIKP MQ partiya nomenklaturasining avtomobillar tarkibidan o‘rin olgan. Konstruktorlar ehtiyot qismlarning qariyb yarmini, transmissiya va yurish qismini “GAZ-51” va “GAZ-20”dan olgan. “GAZ-12” bazasida standart sedandan tashqari bir necha ochiq kuzovli faetonlar ham yaratilgan. Biroq keyingi bir nechta tajriba namunalari o‘zini oqlamagan, chunki tomi olib tashlangan kuzov yetarlicha mustahkam bo‘lmagan.

Foto: “Auto.ru”

Orqa uzatmali “GAZ-12 ZIM” 90 ot kuchiga ega 3,5 litrli benzin dvigatel yordamida harakatga keladi. Model uchun maxsus yangi uch pog‘onali mexanik uzatmalar qutishi ishlab chiqilgan.

Sotuvchining so‘zlariga ko‘ra, avtomobil uzoq yillardan buyon xususiy kolleksiyada saqlanib kelmoqda, shu sababli uning tashqi ko‘rinishi va texnik jihati ideal holatda.

Avvalroq Germaniyada 40 yil garajda saqlangan “GAZ” limuzini 25 ming yevroga sotilayotgani to‘g‘risida xabar berilgandi.

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”