5-iyunda butun dunyo bo‘ylab Butunjahon atrof-muhit himoya qilish kuni nishonlanadi. Bu sana atrof-muhitni himoya qilishning muhimligini ta’kidlash maqsadida BMT tomonidan e’lon qilingan, zero u insonlar farovonligi va mamlakatlarning iqtisodiy rivojlanishiga bevosita ta’sir qiladi.
BMT ma’lumotlariga ko‘ra, dunyoda har uch soniyada futbol maydoniga teng bo‘lgan o‘rmon yo‘qoladi. Oxirgi yuz yillik ichida odamlar suv va botqoqli yerlarning yarmini yo‘q qildi. Olimlar bir necha o‘n yillardan buyon sayyoramiz aholisi uchun haqiqiy falokatga olib keluvchi iqlim o‘zgarishi haqida ogohlantirmoqda.
Eriell Group tabiat va uning boyliklariga ehtiyotkorlik bilan munosabatda bo‘lish qanchalik ahamiyatli ekanini yaxshi anglaydi. Shu bois kompaniyalar guruhi atrof-muhit muhofazasiga nisbatan qat’iy xalqaro sifat standartlariga amal qiladi. Eriell Group o‘z xodimlari va ularning oilalari oldidagi ijtimoiy mas’uliyati uning muhim tamoyili hisoblanadi. Kompaniya faoliyat ko‘rsatayotgan hududlar aholisining farovonligi darajasini oshirishga ustuvor vazifa sifatida qaraydi.
Eriell Group ekologik xavfsizlikni ta’minlashga e’tibor beradi. Chiqindilarni minimallashtirish dasturi korporativ siyosatning ajralmas qismi bo‘lib, Eriell Group sifatni boshqarish dasturiga kiritilgan.
Loyihalar amalga oshirilayotgan barcha obyektlarda atrof-muhitga antropogen ta’sirni kamaytirish maqsadida kompaniya qattiq chiqindilar hajmini kamaytirish, uni alohida yig‘ish, to‘g‘ri saqlash va ifloslangan oqava suvlarning chiqib ketishini oldini olish bo‘yicha ish olib bormoqda.
Burg‘ilash ishlarining atrof-muhitga salbiy ta’sirini oldini olish uchun Eriell Group qo‘shimcha koagulyatsiya va flokulyatsiya bloklari yordamida omborsiz burg‘ilashdan foydalanadi. Ular ishlatilgan burg‘ilash eritmalarni tindirilgan texnik suv va shlamga ajratadi. Obyektlarda burg‘ilash eritmalari uchun uglevodorod asosidagi quritkich yordamida vertikal sentrifugalarning besh bosqichli tozalash tizimi va boshqa ekologik xavfsiz texnologiyalari qo‘llaniladi.
Atrof-muhit xavfsizligini ta’minlash va kompaniyaning ishlab chiqarish obyektlarida atrof-muhitni himoya qilish bo‘yicha professional chora-tadbirlarni amalga oshirish maqsadida “Butunjahon atrof-muhit kuni” oyligi davomida 2021-yil 10-maydagi 110-sonli buyruq chiqarildi. Barcha xizmatlar, sexlar, burg‘ilash va QKT jamoalari u bilan “Atrof-muhitni sanoat chiqindilaridan himoya qil” shiori ostida tanishdi.
Oylik davomida kompaniya ishlab chiqarish obyektlarida ekolog muhandislar jamoalar xodimlari bilan flora va faunani muhofaza qilish bo‘yicha tushuntirish suhbatlari va instruktajlar o‘tkazdi. Yashil maydonlar obodonlashtirilib, ko‘chat va daraxtlar ekildi, ishlab chiqarish maydonlari tozalandi.
Bu chora-tadbirlarning barchasi o‘z mevasini bermoqda, ko‘plab obyektlar atrofidagi hududlar ko‘zni quvontiradi. Bir necha yil ichida esa ular gullagan vohaga aylanishi mumkin.
Eriell Group matbuot xizmati
Izoh (0)