Yangi BMW orqani ko‘rishga mo‘ljallangan an’anaviy ko‘zgu o‘rniga proyektorlarga ega bo‘ladi

BMW kompaniyasi orqani ko‘rishga mo‘ljallangan an’anaviy ko‘zgular, shuningdek, ko‘plab zamonaviy elektrokarlarga o‘rnatilayotgan videokameralar o‘rnini egallovchi muqobil texnologiyani patentladi. Innovatsion proyektorlar yo‘llar holatiga oid ma’lumotlarni avtomobilning yon oynalariga proyeksiya qilishga qodir, deb xabar beradi Motor.

Yangi texnologiya avtomobilning va orqa tomonidagi yo‘llarda sodir bo‘layotgan holatlarga oid ma’lumotlarni yig‘ishga qodir videokameralardan iborat. Boshqaruv bloki yordamida olingan kadrlar transport vositasining yon oynalarida joylashgan noyob proyektorlarga kelib tushadi. Kompaniya vakillarining fikricha, mazkur texnologiya avtomobillar aerodinamikasini yaxshilaydi, shuningdek, dizaynerlarga ijodiy yondashish borasida qo‘shimcha imkoniyatlar beradi.

Ayrim elektrokarlarda orqani ko‘rishga mo‘ljallangan ko‘zgu sifatida foydalanilayotgan mavjud videokameralar vizual ma’lumotlarni avtomobilning yon to‘sinlariga chiqarib beradi. Shu bilan birga, haydovchi diqqatni doim yangi joyga qaratishi qulay emas. Proyektorlar tizimi ma’lumotlar ko‘rsatiladigan odatdagi oraliq masofani saqlash imkonini beradi, bu esa haydovchi yo‘lda kamroq charchasini ta’minlaydi.

Proyektorlardan foydalanishning yana bir ustun jihati — yangi “ko‘zgu”lar texnologiyasida qo‘shimcha reallik imkoniyati. Bu turdagi tizim hozirda ma’lumotlarni yon oynalarga proyeksiya qilishga keng foydalanilmoqda. Bundan tashqari, proyeksion displeylar tasvir yorqinligini boshqarish imkonini beradi, bu esa qorong‘uda harakatlanishida qo‘shimcha qulaylik taqdim etadi.

Mutaxassislar hal etishi kerak bo‘lgan yagona kamchilik — yon oynalar qismini fiksatsiyasi. Agarda bu amalga oshmasa, haydovchi orqani ko‘rishga mo‘ljallangan proyeksion “ko‘zgularsiz” qoladi.

Avvalroq BMW 7-Series’ning ikki xil rangli hashamatli versiyasi paydo bo‘lgani to‘g‘risida xabar berilgandi.