Joriy yilning 2—5-iyun kunlari Rossiya Federatsiyasining Sankt-Peterburg shahrida iqtisodiyot va biznes olamidagi nufuzli anjuman — Peterburg xalqaro iqtisodiy forumi (PXIF) bo‘lib o‘tmoqda.
“Yana birgalikda. Yangi hayot iqtisodiyoti” forumning asosiy mavzusidir.
Mazkur forum doirasida 3-iyun kuni “Roseksimbank” AJ boshqaruvi raisi Talibov Azer Mutalim o‘g‘li bilan uchrashuv o‘tkazildi. Muzokaralar chog‘ida tomonlar o‘rtasidagi hamkorlik istiqbollari hamda ikki davlat o‘rtasida kichik va o‘rta biznesini qo‘llab-quvvatlash uchun savdoni moliyalashtirish limitlarini 400 million rubl miqdorida o‘rnatish imkoniyatlari muhokama qilindi.
Ma’lumot uchun
PXIF 1997-yildan buyon o‘tkaziladi, 2006-yildan boshlab esa Rossiya Federatsiyasi Prezidenti ishtirokida o‘tkazilib kelinmoqda.
Forum rivojlanayotgan sohalar va umuman dunyo hamjamiyati oldida turgan muhim iqtisodiy muammolarni muhokama qilish hamda ishbilarmon doiralarning o‘zaro muloqoti uchun yetakchi platforma hisoblanadi.
Forumning barcha ishtirokchilariga omad tilaymiz va ulardan xushxabarlar kutib qolamiz.
Reklama huquqi asosida.
Izoh (0)