“Chelsi” klubi jamoa bosh murabbiyi Tomas Tuxel bilan shartnoma uzaytirilganini e’lon qildi.
Shartnoma muddati 2024-yilning yozigacha mo‘ljallangan.
Tuxel va “Chelsi” o‘rtasida tuzilgan dastlabki bitimda jamoa Chempionlar Ligasida g‘olib chiqadigan bo‘lsa shartnomani uzaytirish haqidagi kelishuv bo‘lgan.
47 yoshli mutaxassis 2021-yilning yanvar oyida “Chelsi”ga kelgan edi. U jamoa Frenk Lempardning o‘rnini egalladi. Murabbiy qo‘l ostida jamoa Chempionlar Ligasida zafar quchdi, Angliya Kubogi finaliga qadar yetib bordi va Angliya Premyer Ligasida 4-o‘rinni egalladi.
Eslatib o‘tamiz, Tuxel 2020-yilning dekabr oyida “PSJ”dan iste’foga chiqarilgandi.
Mavzuga doir: “Aristokratlar”ning samoviy xaridlari: “Chelsi” chempion tarkibni yig‘ish uchun qancha mablag‘ sarflagan?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)