Kino olamida tanilguniga qadar turli sohalarda faoliyat yuritishiga to‘g‘ri kelgan aktyor va aktrisalar haqida ma’lumot berib o‘tamiz.
Nikol Kidman
Onasi saratonga uchragani va oilaga boquvchi kerakligi sabab 17 yashar Nikol, aktrisalik bo‘yicha o‘qishni tashlashi va massaj qilish kursiga o‘qib, shifoxonada ishlashiga to‘g‘ri kelgan. Keyinchalik o‘qishga qaytgan. Aktrisa o‘z intervyusida odamlarga yordam berish kinokaryeradan ko‘ra muhimroq ekanini ta’kidlagan.
Chenning Tatum
Aktyor bo‘lish haqida o‘ylab ham ko‘rmagan Chenning kollejda harbiylik bo‘yicha tahsil olgan. Ammo yarim yildan keyin o‘qishni tashlashga ahd qilgan. Oilasida undan tashqari 7 farzand bo‘lgani sabab, kiyim-kechak sotib ota-onasiga qarashgan. Keyinchalik tungi klubda ishlagan va aynan o‘sha yerda unga modellik bo‘yicha taklif kelib tushgan. Modellikdan keyin bo‘lsa kino olamiga qadam qo‘ygan.
Jorj Kluni
Jorj Amerikaning mashhur oilalaridan birida dunyoga kelgan. Otasining televideniyeda o‘z shousi bo‘lgan. Shunga qaramay Klunining karyera borasida muvaffaqiyatga erishishi oson bo‘lmagan. Kastinglar omadli bo‘lmagan, yuk mashina haydovchisi, sotuvchi va oshpaz yordamchisi bo‘lib ishlashiga to‘g‘ri kelgan. Shunga qaramay u aktyor bo‘lish orzusidan voz kechmagan va kastinglarda ishtirok etishdan to‘xtamagan. 1994-yilda omadi kelgan, unga “Tez yordam” serialida bosh qahramonni gavdalantirish taklif qilingan.
Bred Pitt
Avvaliga jurnalistika va reklama bo‘yicha tahsil olgan Bred, keyinroq aktyor bo‘lishni xohlashini tushunib yetgan. Kastinglarga qatnashib rad etilavergan Pitt, kun ko‘rish uchun barmen, yuk mashina haydovchisi va flayer tarqatuvchi bo‘lib ishlagan. Keyinchalik aktyor sifatida faoliyat boshlaganidan keyin avvalgi hayotiy tajribasi unga turli qahramonlar rolini oson gavdalantirish imkonini bergan.
Jim Kerri
Jim ko‘p farzandli oilada dunyoga kelgan. Onasi og‘ir kasal bo‘lgani uchun otasining o‘zi ishlab pul topishiga to‘g‘ri kelgan. Otasi ham ishidan ayrilganidan keyin ijara uchun to‘lashga puli qolmagan oila furgonda yashashga majbur bo‘lgan. Shundan keyin Jerri qo‘riqchi, quruvchi bo‘lib ishlagan, vaqti kelsa pol va hojatxona tozalashiga ham to‘g‘ri kelgan. Kinodagi birinchi ishi muvaffaqiyatsiz chiqqan va sahnani unutishga qaror qilgan, ammo oradan bir necha yil o‘tib aktyor sifatida karyerasini davom ettirishga qaror qilgan.
Mettyu Makkonaxi
Talabalik vaqtidagi dastur asosida Avstraliyaga borgan Mettyu, qornini to‘ydirish uchun ishlash kerakligini tushunib yetgan. Bugungi kunda u tovuqxonalarni tozalab, tuxumlar yig‘ganini yuzida tabassum bilan eslaydi.
Izoh (0)