O‘zbekiston tovar-xomashyo birjasining barcha savdo platformalarida 24—30-may kunlari 1 895,4 milliard so‘mlik tovarlar sotilgan bo‘lib, bu avvalgi haftaga nisbatan 3,1 foizga ko‘p. Bunda sotuvlarning 87,7 foiz – birja savdolari; 1,5 foiz – ko‘rgazma-yarmarka savdolari; 10,5 foiz – elektron davlat xaridlari va 0,3 foiz – avtoraqamlarning onlayn-auksioniga to‘g‘ri keldi.
Paxta yog‘i
Ko‘rib chiqilayotgan muddatda ( 24—30-may) birja savdolarida 1 629 tonna paxta yog‘i sotildi. O‘tkazilgan savdolarda har kuni o‘rtacha 163 ta xaridor ishtirok etdi.
Ko‘rib chiqilayotgan davrda barcha navli paxta yog‘ining kunlik o‘rtacha narxlari pasayish holatlarini namoyon etdi. Xususan, o‘tgan dushanba–payshanba kunlari o‘rtacha narxlar mahsulotning bir tonnasi uchun 16 140 100 so‘mdan 15 586 000 ming so‘mgacha, ya’ni 3,4 foiz ga pasaydi. Biroq haftaning so‘nggi savdo kunida kotirovka biroz ko‘tarilib 16 653 900 so‘mni tashkil qildi.
Hafta yakunlariga ko‘ra 1-navli paxta yog‘ining haftalik kotirovkasi mahsulotni bir tonnasi uchun 17 718,6 ming so‘mni tashkil etdi.
Eslatib o‘tamiz, bundan avvalgi muddatda paxta yog‘i narxi 12,4 foizga pasaygandi.
Benzin
O‘tgan haftada birja savdolariga 23 737 tonna Ai-80 markali avtomobil benzini qo‘yildi va ulardan 16 729,1 tonnasi, ya’ni 70,5 foiz sotildi. O‘tkazilgan savdolarda har kuni o‘rtacha 45 xaridor ishtirok etdi.
Ko‘rib chiqilayotgan davrda Ai-80 markali avtomobil benzinining o‘rtacha kunlik narxi mahsulotning bir tonnasi uchun 6 673 400 so‘mdan 6 644 100 so‘mgacha pasaydi.
Ko‘rib chiqilayotgan davrda Ai-80 rusumli avtomobil benzinining o‘rtacha haftalik kotirovkasi 6 663 500 so‘mni, Ai-91 – 7 702 800 ming so‘mni tashkil etdi.
Ma’lumot uchun, turli manbalarda keltirishicha avtomobil benzinining bir tonnasi o‘rtacha 1293–1370 litrni tashkil qiladi.
Bundan avval Monopoliyaga qarshi kurashish qo‘mitasi yog‘ narxi oshishi yuzasidan 34 ta klasterga ish qo‘zg‘atgani, O‘zbekiston 2021-yilda 200 million litrdan ortiq benzin import qilgani, Qashqadaryoda qo‘lbola yog‘ ishlab chiqarayotgan fuqaro aniqlangani haqida xabar berilgan edi.
Izoh (0)