Apelsin’dan Welcome bonuslari
Apelsin uyali aloqa ilovasi birinchi marotaba ro‘yxatdan o‘tayotgan Ucell abonentlari uchun Welcome bonuslarini ishga tushirdi.
E’tirof etish joizki, kishilar orasida ancha ommalashishga ulgurgan mazkur Apelsin to‘lov tizimi an’anaviy tarzda, o‘z mijozlariga turli sovg‘alar va bonuslarni taqdim etishi bilan ham mashhurdir. Endilikda birinchi marotaba Ucell raqamidagi mazkur ilovadan ro‘yxatdan o‘tgan foydalanuvchilar yoqimli Welcome bonusga – 1 gigabayt internetga ega bo‘ladi. Apelsin shu tarzda Ucell abonentlariga dasturni tanlagani uchun o‘z minnatdorchiligini bildirgan holda qarshilaydi.
Quvonarlisi shuki, ushbu sovg‘a gigabaytni qarindoshlar, do‘stlar va yaqinlaringizga tuhfa sifatida taqdim etishingiz ham mumkin. Axir Welcome bonusi har bir Ucell uyali aloqa operatori abonentining istalgan faol prepaid raqamiga ulana olish imkoniga ega. Sovg‘ali internet to‘plam muddati ulangan kundan boshlab, 7 kun davomida amal qiladi.
Shunisi e’tiborga molikki, nafaqat Ucell abonentlari ushbu ilovadan sovg‘alar olishi mumkin, balki telefon hisobini Apelsin ilovasi orqali to‘ldirgan barcha foydalanuvchilar “bonusli apelsin”lar olish imkoniga egadir. Hisobingizni har bir to‘ldirilgan 1000 so‘m evaziga siz “1 apelsin” bonusini qo‘lga kiritasiz. Yetarli miqdorda “apelsin”larni to‘plagach esa istagan vaqtingizda ularni o‘z uyali aloqa operatoringizdan internet to‘plamlariga almashtirib olishingiz mumkin.
“Kapitalbank” boshqaruv raisi o‘rinbosari, raqamli filiali boshqaruvchisi Sergey Gimadiyev “apelsin”li bonuslar xususida to‘xtalib o‘tdi:
“Apelsin sovg‘alar ulashishni juda xush ko‘radi. Biz yangi foydalanuvchilar uchun foydali bonuslar ishlab chiqish g‘oyasini uzoq vaqtdan beri o‘ylab kelayotgan edik va Welcome bonuslari bizning Ucell uyali aloqa operatori bilan hamkorlikda taqdim etgan ilk qaldirg‘ochimizdir. Biroq bu hali hammasi emas! Chunki kutilmagan yoqimli sovg‘alarimiz shu bilan tugamaydi, yaqin kunlarda birinchi marotaba ro‘yxatdan o‘tayotgan Uztelecom abonentlarini ham sovg‘alarimiz bilan mamnun qilamiz.
Bundan tashqari, Apelsin ilovasining amaldagi mijozlarini ham e’tibordan chetda qoldirmadik. Endilikda Ucell, Uztelecom va Mobiuz uyali aloqa operatorlari foydalanuvchilari to‘lovlar uchun bonusli “apelsin”larga ega bo‘lishadi. Beeline uyali aloqa operatori abonentlari esa telefoni hisobini bizning ilovamiz orqali to‘ldirganda, Beepul mobil ilovasiga kelib tushuvchi bonusli ballarimizni qo‘lga kiritadi”.
Yuqori sur’atlarda olg‘a ildamlayotgan zamonaviy va jo‘shqin hayotning turli vaziyatlarida doimo aloqada bo‘lish bilan birga istalgan vaqtda va har qanday joyda qulay to‘lov ilovalaridan foydalana olish juda muhim ahamiyat kasb etadi. Aynan shu bois ham Apelsin ilovasi har bir foydalanuvchisini qadrlash orqali ularga g‘amxo‘rlik ko‘rsatadi.
Hech ikkilanmasdan, tom ma’noda shaxsiy moliyaviy ko‘makchingizga aylana oladigan Apelsin qulay to‘lov dasturini yuklab oling. Zero mazkur ilova nafaqat hayotingizni osonlashtirib go‘zallashtiradi, balki yoqimli sovg‘alar va ko‘tarinki kayfiyat ham ulashadi!
Reklama huquqi asosida.
