Sirdaryo viloyatining Oqoltin tumanida Lacetti’ning gaz balloni portlashi oqibatida ikki kishi halok bo‘ldi. Bu haqda FVV matbuot xizmati xabar berdi.
Voqea 1-iyun soat 03:40 da yuz bergan. Qashqadaryo viloyati Mirishkor tumanida yashovchi fuqaro Lacetti’da Sirdaryo viloyati Oqoltin tumani “Yangi Davr” MFY hududidan o‘tuvchi Termiz—Toshkent yo‘lida harakatlanib ketayotganida avtomashinaning gaz ballonida yorilish sodir bo‘lgan.
Oqibatda avtomashinadagi ikki nafar yo‘lovchi voqea joyida vafot etgan hamda haydovchi va bir nafar yo‘lovchi turli darajada jarohat olib Oqoltin tumani tibbiyot birlashmasiga joylashtirilgan.
Qayd etilishicha, ayni vaqtda viloyat IIB, FVB, SSB va Prokuratura xodimlari tomonidan holat yuzasidan dastlabki tergovoldi surishtiruv ishlari olib borilmoqda.
Avvalroq Qashqadaryoda harakatlanayotgan Nexia’ning gaz balloni portlashi oqibati ikki kishi halok bo‘lgani, Farg‘onadagi zapravkada “Jiguli”ning gaz balloni portlashi oqibatida mashina haydovchisi va yana bir kishi tan jarohati olgani haqida xabar berilgan edi.
Izoh (0)