31-may kuni soat 12:21 larda Samarqand viloyatining Paxtachi tumanida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda viloyati IIB YHXB axborot xizmati xabar berdi.
Tumanning “Boymat” mahallasi hududidan o‘tuvchi M-37 Samarqand—Buxoro—Turkmanboshi avtomobil yo‘lining 124-kilometrida R.A. boshqaruvidagi Nexia rusumli avtomashina piyodalar o‘tish yo‘lakchasidan o‘tayotgan piyodalarga yo‘l berish uchun to‘xtagan. Shu yo‘nalish bo‘ylab orqa tomonidan oraliq masofani saqlamasdan kelayotgan Isuzu yuk mashinasi Nexia’ga kelib urilgan.
Yengil mashina ichida bo‘lgan yo‘lovchi ko‘rsatilgan muolajalarga qaramay tibbiyot bo‘limida vafot etgan.
Ta’kidlanishicha, mazkur holat yuzasidan tergovga qadar tekshiruv harakatlari olib borilmoqda.
Avvalroq Toshkentda Lacetti piyodalar yo‘lagini kesib o‘tayotgan fuqaroni urib yuborgani va jabrlanuvchi 6 kun o‘tib shifoxonada vafot etgani, Toshkentda ikki avtobus ishtirokida sodir bo‘lgan YTH oqibatida bir piyoda halok bo‘lgani, Samarqandda haydovchining uxlab qolishi oqibatida “KamAZ” yuk mashinasi Isuzu bilan to‘qnashib ketgani to‘g‘risida xabar berilgandi.
Izoh (0)