Hindistonning shimolidagi Uttar-Pradesh shtatida 21 nafar mahbus koronavirus tufayli axloq tuzatish muassasasini tark etishdan bosh tortdi. Bu haqda India Today xabar berdi.
Nashr ma’lumotlariga ko‘ra, shtatning to‘qqizta qamoqxonasida jazoni o‘tashdan muddatidan ilgari shartli ozod qilish huquqini qo‘lga kiritdi. Lekin ularning 21 nafari shtat hukumatiga bu qarorning bekor qilinishini so‘rab xat yozdi.
“Mahbuslarning aytishicha, qamoqxonada muntazam tibbiy ko‘riklar o‘tkaziladi. Ular oziq-ovqatni o‘z vaqtida oladi hamda qamoqxonada o‘zlarini xavfsiz va sog‘lom sezadi. Ularning so‘zlariga ko‘ra, qamoqxonadan chiqishi bilan ular yashash uchun kurashishga to‘g‘ri keladi”, — deydi qamoqxonalardan birining direktori Anand Kumar.
Uning so‘zlariga ko‘ra, ushbu mahbuslar tashqarida emas, balki muassasada xavfsizroq bo‘lishiga ishonadi. Ta’kidlanishicha, davlat ma’muriyati ushbu so‘rovni qondirdi.
Nashrning yozishicha, may oyining boshida Hindistonda koronavirusning avj olgani sababli mamlakat Oliy sudi qamoqxonalarda mahbuslarni kamaytirish to‘g‘risida ko‘rsatma bergan edi. Shundan buyon 11,5 ming mahbus jazoni o‘tashdan muddatidan ilgari shartli yoki garov evaziga ozod etildi.
Avvalroq Hindiston shifokorlari koronavirusga chalingan bemorda zamburug‘ infeksiyasining uchinchi turini aniqladi. Sariq zamburug‘ deb ataluvchi mazkur infeksiyaga chalinish bo‘yicha birinchi holat Gaziobodda (Uttar-Pradesh shtati) qayd etilgan.
Hindistonda COVID-pandemiya fonida odamlarning xavfli zamburug‘larga chalinish holatlari ko‘paydi. Mamlakatda koronavirus tarqalishining ikkilamchi ta’siri sifatida paydo bo‘lgan qora zamburug‘ epidemiyasi fonida yana bir zamburug‘ kasalligi aniqlandi, u mamlakatda oq zamburug‘ deb ataladi.
Izoh (0)