AQShning Florida shtatida o‘tkaziladigan rok-konsertlardan birining tashkilotchilari koronavirusga qarshi emlangan va emlanmaganlarga chiptalarni turli narxlarda sotmoqda, deb xabar beradi Esquire.
Foto: Unsplash
Emlangan tashrif buyuruvchilar uchun chipta narxi 18 dollarni, qolganlarga esa 999,99 dollarni tashkil etadi. Festival tashkilotchisi Pol Uilyams o‘z qarorini amerikaliklarni emlanishga qiziqtirish, shuningdek, tadbirni imkon qadar xavfsiz qilish niyatida ekanligi bilan izohlagan.
Uning so‘zlariga ko‘ra, 29-may kuni arzonlashtirilgan narxdagi deyarli barcha chiptalar sotib bo‘lingan, biroq hech kim 1000 dollarlik chiptani xarid qilmagan. Konsertga tashrif buyuruvchilar kirishda COVID-19’ga qarshi emlangani ko‘rsatilgan sertifikat va shaxsni tasdiqlovchi hujjatni taqdim etishi kerak.
Konsert tadbiri 26-iyun kuni Sent-Pitersbergda bo‘lib o‘tadi va unda asosiy chiqish Teenage Bottlerocket rok-guruhiniki bo‘ladi.
