Ispaniyada Windows va Office’ning “qaroqchi” versiyalaridan foydalangan ayol qamoq jazosiga hukm qilindi. E’lon qilingan ma’lumotlarga ko‘ra, mahkuma ofisidagi ikkita kompyuterda Microsoft’ning litsenziyasiz dasturlaridan foydalangan, deb xabar beradi IXBT.
Bu boradagi birinchi sud hukmi 2017-yilda qabul qilingan. O‘sha vaqtda ayol ikki marotaba sud hukmi ustidan shikoyat qilishga uringan, biroq u sodir etgan jinoyati uchun belgilangan jazodan qocha olmagan.
Natijada Ispaniya Oliy sudi ayolga olti oy ozodlikdan mahrum etish jazosini tayinlagan. Bundan tashqari, u 3600 yevro miqdorida jarima to‘lashi belgilangan. Jarima bilan birga ayol Microsoft uchun Windows va Office’ning litsenziyali nusxalari uchun ham pul to‘laydi.
Mamlakatda “qaroqchilik” dasturiy ta’minotlaridan foydalanganlik uchun bu kabi qattiq hukm birinchi marotaga qabul qilinmoqda. Ispaniya Oliy sudi Jinoyat kodeksi ustida 2015-yilda o‘tkazilgan islohotga tayanmoqda. O‘shandan buyon Ispaniyada litsenziyasiz mahsulotlar va servislardan foydalanish jinoiy javobgarlikka tortiladi.
Izoh (0)