Bugun,

  • USD 11095.31
  • RUB 173.84
  • EUR 10772.44

“O‘zkomnazorat” davlat inspeksiyasi internet tarif rejalari va xizmatlarini taqdim etishda “-gacha” qo‘shimchalaridan foydalanish bo‘yicha ko‘rsatma berdi.

Foto: “Daryo” / Madina Nurman

Foto: “Daryo” / Madina Nurman

“2021-yil 1-iyundan boshlab tarif rejalari va xizmatlari to‘g‘risidagi ma’lumotlarda internet tezligi uchun belgilangan ‘-gacha’ (‘do...’) qo‘shimchalari o‘rniga aniq va tushunarli ma’lumot berish bo‘yicha ko‘rsatma berildi”, — deyiladi xabarda.

Bu internet va telekommunikatsiya xizmatlarini ko‘rsatuvchi operator va provayderlar hamda xo‘jalik yurituvchi subyektlarga telekommunikatsiya xizmatlarini uzluksiz, sifatli va shartnomalarda belgilangan hajmda (tezlikda) ko‘rsatish maqsadida amalga oshirilmoqda.

Avvalroq “Toshkent besh tashabbus harakati” doirasida yoshlar bilan ochiq muloqotda bosh vazir maslahatchisi Olimjon Umarov internet tezligi haqidagi masalaga to‘xtalib o‘tgandi. “Men sehrgar emasman, internet tezligini oshirib yubora olmayman. Biroq bu borada ishlar olib borilmoqda, qiladigan ishlar bor hali” — deya ta’kidlagandi u.

Eslatib o‘tamiz, O‘zbekistonda tashqi internet kanalining tezligi soniyasiga 1800 Gbitga yetkazilishi ma’lum qilingandi. Loyihaning texnik-iqtisodiy parametrlari Vazirlar Mahkamasining 2021-yil 17-apreldagi qarori bilan qabul qilingan, ammo hujjatda loyihani amalga oshirish muddati ko‘rsatilmagan.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Mahalliy
Vazirlikning 8 mlrdga tushgan sayti, qashqadaryolik ota-o‘g‘ilning Toshkentni “lol qoldirgan” qilmishi: “Daryo”da hafta dayjesti
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi