Germaniyaning Xaylbronn shahrida 1976-yilda ishlab chiqarilgan olcharang “GAZ-14” sotuvga qo‘yildi. O‘z seriyasida birinchiga aylangan sovet limuzini Leonid Brejnevga uning 70 yillik yubileyida sovg‘a qilingan. Hozirga qadar 73,3 ming kilometr yo‘l bosgan eksklyuziv avtomobil 120 ming yevroga baholanmoqda, deb xabar beradi Motor.
Sotuvga qo‘yilgan “GAZ-14” konveyerdan 1976-yilda chiqqan bo‘lib, o‘z seriyasidagi birinchi modelga aylangan. Bunga uning shassisidagi 000001 raqami isbot bo‘la oladi. Sotuvchining so‘zlariga ko‘ra, olcharang “Chayka” shu yilning o‘zida SIKP MQ bosh kotibi Leonid Brejnevga sovg‘a qilingan. Siyosatchi ushbu limuzinda qancha vaqt harakatlangani noma’lum, biroq yillar davomida avtomobil 73,3 ming kilometr yo‘l bosgan.
Suratlarga ko‘ra, sovet limuzini ideal holatda saqlangan. “Chayka” kuzovida zanglash alomatlari yo‘q, sarg‘ish velyur saloni xuddi yangidek. “GAZ-14” jamlanmasidan oynalarni elektron ko‘tarish, konditsioner, shuningdek, radiomagnitola o‘rin olgan.
Eslatib o‘tamiz, mazkur limuzin 2020-yilning noyabrida ham sotuvga qo‘yilgan edi.
Izoh (0)