Turkiya keng ko‘lamli dengiz mashg‘ulotlarini o‘tkazmoqda (foto va video)

Turkiya harbiy dengiz kuchlari Egey va O‘rta Yer dengizlarida Denizkurdu-2021 keng ko‘lamli o‘quv mashg‘ulotlarini boshladi. Mashg‘ulotlarda 25,5 ming shaxsiy tarkib ishtirok etmoqda. Bu haqda Turkiya Mudofaa vazirligi matbuot xizmatiga tayanib, “Korrespondent.net” xabar berdi.

“Denizkurdu-2021 o‘quv mashg‘ulotlari yaxshi o‘tmoqda. Mashg‘ulotning birinchi kunida qirg‘oq qo‘shinlarini tayyorlash, dengizda harakatlanish va o‘t ochish amaliyoti bajarildi”, — deyiladi xabarda.

Ta’kidlanishicha, mashg‘ulotlarda 132 ta kema, 10 ta suvosti kemasi, 43 ta samolyot, 28 ta vertolyot va 14 ta uchuvchisiz uchar qurilma ishtirok etmoqda. Mashg‘ulotlar davomida quruqlik va havo kuchlari bo‘linmalaridan tashqari, 10 ta davlat idorasi va Turkiyaning Qizil yarim oy tashkiloti bilan o‘zaro hamkorlikda ish olib borilmoqda.

Denizkurdu-2021 o‘quv mashg‘ulotlari strategik darajadagi operatsiyaga tayyorgarlik elementlarini o‘z ichiga oladi. Mashg‘ulotning yakuniy bosqichida 83 ta kema Egey va Sharqiy O‘rta Yer dengizidagi 22 ta bandargohga tashrif buyuradi.

Shuningdek, mashqlar davomida SIDA dengiz jangovar uchar qurilmasi sinovdan o‘tkazildi, u birinchi urinishdayoq muvaffaqiyatli o‘t ochib, nishonga zarba berdi.

Mashg‘ulotlar 5-iyungacha davom etadi.

DENİZKURDU-2021 Tatbikatı’nda millî imkânlarla geliştirilen Silahlı İnsansız Deniz Aracı (SİDA) ilk atışını başarıyla gerçekleştirerek hedefi tam isabetle vurdu.#Denizkurdu2021 🇹🇷 pic.twitter.com/66yR06w6Wt

— T.C. Millî Savunma Bakanlığı (@tcsavunma) May 27, 2021