“O‘zbekgidroenergo” AJ tomonidan O‘zbekiston Respublikasi Prezidentining 2018-yil 21-iyuldagi “Tashqi moliyalashtirish manbalarini diversifikatsiyalash bo‘yicha qo‘shimcha chora-tadbirlar to‘g‘risida”gi PQ 3877-son hamda 2020-yil 24-fevraldagi “Moliyaviy hisobotning xalqaro standartlariga o‘tish bo‘yicha qo‘shimcha chora-tadbirlar to‘g‘risida”gi PQ 4611-son qarorlarining ijrosini ta’minlash maqsadida jadal ishlar amalga oshirildi.
“O‘zbekgidroenergo” AJ ijro apparati “Moliyaviy hisobotning xalqaro standartlarini tayyorlash”(MHXS) bo‘limi tomonidan dunyoda yetakchi to‘rtlik, auditorlik tashkilotlariga kiruvchi PricewaterhouseCoopers xalqaro auditorlik tashkiloti bilan hamkorlikda, “O‘zbekgidroenergo” AJ moliyaviy faoliyati xalqaro standartlar talablariga binoan auditorlik tekshiruvidan o‘tkazildi.
Bugun jamiyat boshqaruvi raisining o‘rinbosari X. Haydarov PricewaterhouseCoopers xalqaro auditorlik tashkilotining O‘zbekistondagi mas’ul vakilini qabul qildi.
Ta’kidlash joizki, o‘tkazilgan auditorlik tekshiruvlari asosida “O‘zbekgidroenergo” AJ va uning tizim korxonalarining 2020-yilgi MHXS asosida tayyorlangan, konsolidatsiyalangan (umumlashgan) moliyaviy hisobotiga PricewaterhouseCoopers xalqaro auditorlik tashkilotining ijobiy xulosasi olindi.
Ma’lumot uchun
Moliyaviy hisobotning xalqaro standartlari (MHXS) – keng qamrovli hisob-kitob operatsiyalarini qamrab oladi. Bunda MHXS orqali aniq, majburiy qoidalar belgilanadi. MHXS moliyaviy hisobdorlik, MHXS tamoyillari hamda asosiy hisobotlar turlariga tayanadi. MHXSga muvofiq, aktivlar, majburiyatlar, kapital, daromad hamda xarajatlar moliyaviy hisobdorlikning asosiy elementlari hisoblanadi.
“O‘zbekgidroenergo” AJ matbuot xizmati
Izoh (0)