Erkin Iskandarov boshqa ishga o‘tishi munosabati bilan qurilish vazirining o‘rinbosari lavozimidan ozod etildi. Bu haqda Telegram’dagi “Nigoh” kanali xabar berdi.
Ma’lum qilinishicha, Iskandarovning o‘rniga Sariosiyo tumani hokimi lavozimida faoliyat yuritgan O‘ktam To‘rayev tayinlangan.
Avvalroq Xalq deputatlari Sariosiyo tumani Kengashining navbatdan tashqari sessiyasida O‘ktam To‘rayev boshqa ishga o‘tgani munosabati bilan tuman hokimi lavozimidan ozod etilgani to‘g‘risida xabar berilgandi. Surxondaryo viloyati hokimining o‘rinbosari Abdusalom Xo‘jaqulov Sariosiyo tumani hokimi etib tasdiqlangan.
Eslatib o‘tamiz, 2021-yilning yanvarida Prezidentning tegishli qaroriga asosan Davronjon Odilov qurilish vazirining birinchi o‘rinbosari, mart oxirlarida esa Nasrulla Babayev qurilish vazirining o‘rinbosari lavozimiga tayinlangandi.
Izoh (0)