Jazirama kunlarda qo‘l keladigan soch turmaklari yulduzlar misolida (foto)

Tashqarida jazirama issiq bo‘lib turgan vaqtda og‘ir makiyaj va murakkab soch turmagi qilishni umuman xohlamaysiz. Hozirgi vaqtda sodda soch turmaklari trendda, buning uchun bir soat sarflashning hojati yo‘q. Quyidagi turmaklar bilan zamonaviy ko‘rinishga ega bo‘lasiz: yulduzlar buni tasdiqlaydi!

Bu yilgi yozda qisqichbaqasimon zakolka asosiy aksessuarga aylanadi. Sochlarni orqaga yig‘ib, zakolka bilan mahkamlang va oldingizga ozroq tushiring. Shunda yuzingiz ochiq ko‘rinmaydi, soch turmagi esa yengil va teksturali bo‘ladi. Agar bu turmak sizga tartibsiz tuyulsa, bir daqiqada osongina yig‘ib olishingiz mumkin. Rozi Xantington-Uaytli bunday turmak bilan zamonaviy ko‘ringan.

Agar yuqoridagi turmak siz uchun juda oddiy bo‘lsa, unda dasta qilib yig‘ishga harakat qiling. So‘nggi paytlarda bu turmak yulduzlarga juda yoqib qolgan, xohlaganingizni tanlang: amerikalik aktrisa va xonanda Izabela Moner singari orqadan bittali yoki Jey Loniki kabi yon tomondan qilingan ikkitali dasta.

Shay Mitchell boshining tepasidan kichkina dasta qilib turmaklagan, sochini yuzining ikki tomoniga tekis qilib tushirgan va qolgan sochlarini esa uzunligicha yoygan. Vanessa Xajensning sochini pastdan ikkitali silliq qilib yig‘gani o‘ziga juda yarashgan.

Oy dumi shaklida turmaklash yana trendda. Va bu ajablanarli emas, chunki issiqda bunday turmak juda qulaydir. Xayli Biber singari ikkita qilib turmaklashga harakat qiling. Bunda sochlaringizga konus yoki dazmol bilan hajm berishingiz, shuningdek, yengilgina jingalak qilishingiz mumkin.

Sochlari tekis bo‘lgan qizlar ko‘pincha turmak qilishda qiynaladi. Uslubingizni yangi ko‘rinishga keltirish uchun sochingizni ikki yondan o‘rib oling. Yoki turli xil rezinka va tasmalardan foydalaning. Bunday soch turmagi bilan bachkana ko‘rinib qolaman deb o‘ylamang: Jiji Hadid buning teskarisini ancha oldin isbotlagan.

Yanada oddiyroq turmakni Emili Rataykovskiyda ko‘rishimiz mumkin: yulduz shunchaki sochini  farqidan boshlab ortiqcha oro bermay, ikkita qilib o‘rib olgan. Model ko‘zlariga yanada urg‘u berib bo‘yagan, shuningdek, katta sirg‘alarini taqib yanada e’tibor tortgan. Bunday soch turmagi sizni hech qachon uyaltirib qo‘ymaydi.