Hermes hamda Apple gadjerlar uchun hamkorlikdagi aksessuarlar lineykasini taqdim etdi. Apple va fransuz modalar uyining kolleksiyasidan charm breloklar va AirTag trekerlariga ega yuk chamadoni birkalari, Apple Watch soatlari uchun suv o‘tkazmaydigan neylon va charmdan ishlangan tasmalar o‘rin olgan, deb xabar beradi “Afisha.uz”.
Shuningdek, iPhone 12 va iPhone 12 Pro uchun firma naqshlari tushirilgan MagSafe simsiz quvvatlantirish funksiyasiga ega g‘iloflar ham taqdim etilgan.
Apple AirTag Hermes dizaynini yaratishda XX asrning boshlarida ot poygalari ishqibozlari foydalangan jeton ushlagichlardan ilhomlanilgan.
Hozirda mazkur aksessuarlarning barchasini Apple va Hermes saytlari orqali 299 dollardan 569,95 dollargacha xarid qilish mumkin.
Avvalroq Hermes modalar uyi Rolls-Royce Phantom’ning noyob versiyasini yaratishda ishtirok etgani, AirTag uchun yaratilgan Hermes’ning charm g‘ilofi ko‘plab iPhone’lardan ham qimmat turishi to‘g‘risida xabar berilgandi.
Mavzuga doir: Hermès qo‘ziqorindan sumka ishlab chiqara boshladi
Izoh (0)