“Toshkent Besh tashabbus harakati” yoshlar festivalida so‘zga chiqqan Oliy Majlis Qonunchilik palatasi deputati Doniyor G‘aniyev O‘zbekistonda muammolarni hal qilishda kuzatilayotgan eng katta xatolar haqida gapirib o‘tdi.
G‘aniyevning fikricha, eng katta xato — muammolarni alohida o‘rganib, ularga alohida yondashish. Deputat muammolar tizimli hal qilinmasdan, ularga alohida yondashib kurashilsa, uzoqqa borilmasligini ta’kidlagan.
“Xalq ta’limi, oliy ta’lim deymiz, monopoliya deymiz. Bularning hammasiga yagona yechim — bu qonun ustuvorligi. Iqtisodda raqobatni vujudga keltirish. Iqtisodda raqobat bo‘lsa, korrupsiya ham yo‘qoladi, ta’lim sifati ham oshadi. Monopoliya ham yo‘qoladi. Hamma muammolar bir-biriga bog‘liq ravishda barham topadi. Masalan, bitta muammoni alohida hal qilish deyapmiz, Past Darg‘om tumani haqida gapiryapsiz. Past Darg‘omdagi bitta muammoni hal qilish — bu ko‘rpani tortishdek gap-da. Ko‘rpani tortsak, Shohimardon ochilib qolyapti, ular uchun ko‘rpani tortsak, Past Darg‘omda ochilib qolyapti. Bu vaqtinchalik choralar. Tizimli hal qilinmas ekan, bu baribir vaqtinchalik bo‘lib qolaveradi. Qonun ustuvor, iqtisodda raqobat bo‘lishi kerak”, — deydi deputat.
Eslatib o‘tamiz, avvalroq G‘aniyev ushbu muloqotda yoshlarning deputat bo‘lishga qiziqmasligi haqidagi savolga javob berib, ularning asosiy sabablarini sanab o‘tgan edi.
Mavzuga doir:
- “Hamma qilinayotgan islohotlarni … tiqdingiz!” – Doniyor G‘aniyev Energetika vazirligi rahbariyati iste’foga chiqishi kerakligini aytdi
- “Manfaatlar to‘qnashuvi uchun javobgarlikning o‘zi yo‘q”. Deputat Doniyor G‘aniyev hokimliklardagi tenderlar haqida
- “Toshkentda yo‘l qo‘yilgan xatolardan to‘g‘ri xulosa chiqarish kerak”. Deputat hududlarni ikkinchi to‘lqinga tayyorlash choralarini taklif etdi
Izoh (0)