Italiyaning Fendi modalar uyi fotokamera va optika ishlab chiqarish bilan shug‘ullanuvchi Polaroid kompaniyasi bilan hamkorlikda Vintage Polaroid OneStep Close-Up 600 nomli modelni taqdim etdi. Ushbu kamera Polaroid 600 plyonkasida ishlaydi va qo‘lda boshqariluvchi chaqnoqqa ega, deb xabar beradi Esquire.
Shakli jihatidan qurilma 1990-yillardagi original kamerani takrorlaydi, biroq korpusi ikkitalik F harfi shaklidagi turli ranglarga ega Fendi monogrammalari bilan qoplangan. Ushbu dizaynni Nyu-yorklik rassom Sara Koulman o‘ylab topgan: u monogramma naqshini xuddi “baliq ko‘zi” obyektivi orqali suratga olganday, o‘zgartirib ko‘rsatgan.
Kameraning o‘zi har qanday vaziyatda suratga olishni amalga oshira olmaydi — Polaroid 600 plyonkasiga “proyavka” uchun kamroq yorug‘lik kerak. Fotoapparatga 120 santimetrdan boshlanuvchi fokusli 110 millimetrli obyektiv o‘rnatilgan va u 60—120 santimetr oralig‘ida makrosuratga olishga mo‘ljallangan obyektivga ega.
Kamerani Fendi sayti orqali onlayn tomosha qilish, brendning butun dunyodagi do‘konlari orqali 950 dollar evaziga xarid qilish mumkin.
Avvalroq Polaroid “Yulduzlar jangi” mavzusidagi kamera va fotoplyonkani taqdim etgani to‘g‘risida xabar berilgandi.
Mavzuga doir: Dunyodagi eng kichkina Polaroid kamera yaratildi
Izoh (0)