Dazmol qilishda eng ko‘p yo‘l qo‘yiladigan 9 xato

O‘zingizni bu ishda professional yoki o‘rganuvchi deb bilsangiz ham, eng keng tarqalgan xatolarni eslab qoling.

Quruq holda dazmollash

Matoni namlamasdan dazmollash uchun hech qanday sabab yo‘q. Barchada purkagich va bug‘ dazmollari bor. Quruq holda dazmol qilish — befoyda, libosingiz siz o‘ylagandek holatga kelmaydi.

Yupqa matoli kiyimlarni oxirida dazmollash

Mato dazmol haroratidan kuymasligi uchun teskari tartibda — nozik matodan tortib qalin matoga qarab dazmollang.

Agar kiyim aralash matodan tikilgan bo‘lsa, uning tarkibidagi eng nozik mato bo‘yicha dazmollang. Shunday qilsangiz, kiyimlaringiz uzoqroq xizmat qiladi.

Distirlangan suvga pul sarflash

Bu ortiqcha narsa. Oddiy ichimlik suvini filtrdan o‘tkazib foydalansa ham bo‘ladi.

Dazmol tozalash uchun melamin gubka, tozalovchi bo‘r sotib oling (agar xrom yoki teflon qoplamasini olsangiz, yanada yaxshi), eng arzon va oson yo‘li esa suv tomizilgan ichimlik sodali pasta bilan tozalang. Shunda dazmoldagi kuygan dog‘lar liboslaringizni zararlamaydi.

Dazmolda suv qolib ketishi

Kunora dazmol qilsangiz ham, dazmollangandan keyin suv idishini bo‘shatishni unutmang. Birinchidan, dazmoldagi ichki yo‘llarni zang bosadi. Ikkinchidan, suv eskiradi. Buning natijasida liboslarda dog‘ qolishi mumkin.

Hech qachon pul tejayman deb, arzon doska sotib olmang. Dazmollash uchun rozetka, shnur ushlagich va yechilib ketmaydigan qoplama — odatdagidan biroz qimmatroq turadi. Ammo mahsulot shunga arziydi, farqni darhol sezasiz.

Oddiy dazmoldan  ko‘p foydalanish

Agar oilangiz katta, kiyimlaringiz ko‘p bo‘lsa, dazmol bilan maxsus bug‘ moslamasini xarid qiling. Bu ishingizni olti martaga osonlashtiradi.

Haddan tashqari g‘ijimlangan matoni dazmollash

Kamroq g‘ijimlar kamroq ish demakdir. Kiyimlarni yaxshilab silkitib, keyin dorga iling. Dazmollashdan oldin uni qo‘llaringiz bilan biroz tekislang.