Adiblar xiyobonida 20-may kuni “Katta adabiyot bayrami” haftaligi doirasida “Ilhom” mukofoti respublika tanlovining sovrindorlarini taqdirlash marosimi bo‘lib o‘tdi. Bu haqda O‘zA xabar bermoqda.
Tanlov shoir va yozuvchilar ijodini o‘rganish, asarlarni tarjima qilish, shu asosda tadqiqotlar o‘tkazishda yuqori natijalarga erishayotgan yoshlar o‘rtasida o‘tkazildi.
Tanlovda 1-o‘ringa Alisher Navoiy nomidagi Toshkent davlat o‘zbek tili va adabiyoti universiteti 2-bosqich magistranti Akrom Malikov munosib topildi. U Spark avtomobili bilan taqdirlandi.
2-o‘ringa Toshkent davlat sharqshunoslik universiteti jamoasi loyiq ko‘rilib, 30 million so‘m pul mukofoti bilan taqdirlandi.
3-o‘rinni Farg‘ona davlat universiteti talabasi Qobiljon Shermatov hamda Qoraqalpoq davlat universiteti tayanch doktoranti Malika Palimbetova qo‘lga kiritdi. Ular 15 million so‘m pul mukofotlari bilan taqdirlandi.
Mukofotlarni O‘zbekiston Prezidenti maslahatchisi Abdujabbor Abduvohidov hamda bosh vazir o‘rinbosari Behzod Musayev topshirdi.
Eslatib o‘tamiz, Akrom Malik 2016-yilning iyul oyida MXX tomonidan qamoqqa olingan, Jinoyat kodeksining 159-moddasi (konstitutsion tuzumga tajovuz) hamda 244-moddasi (jamoat xavfsizligiga tahdid) bilan ayblanib, 6 yilga ozodlikdan mahrum etilgan edi. U 2020-yil 27-avgust kuni ozodlikka chiqdi.
Izoh (0)