Ijtimoiy tarmoqlarda avtodo‘kon xodimining beparvoligi sabab bir nechta avtomobil ishtirokida yo‘l-transport hodisasi sodir bo‘lgani tasvirlangan video tarqaldi.

Kadr: Telegram

Videodan ko‘rish mumkinki, avtomobil shinalarini taxlayotgan do‘kon xodimlarining e’tiborsizligi oqibatida shinalardan biri avtomobil yo‘liga dumalab ketgan. Natijada keskin tormozlanishni amalga oshirgan Nexia-3 avtomobilining orqasiga boshqa bir Nexia kelib urilgan.

Shuningdek, yana bir Nexia-3 avtomobili haydovchisi to‘qnashuvdan qochish maqsadida tormozni bosgan va ortidan harakatlanib kelayotgan Damas unga kelib urilgan.