Uels shahzodasi Charlz taxtga o‘tirganidan keyin jamoatchilik uchun rasmiy va xususiy qirollik qarorgohlariga kirish imkoniyatini kengaytirish niyatida, deb yozmoqda Daily Mail.
Xabar berilishicha, Shahzoda Charlz jamoatchilikning saroylarga kirish imkoniyatini qirollik oilasi bilan maslahatlashib, odamlarning yil davomida tashrif buyurishi uchun Bukingem saroyi, Vindzor qal’asi, Sandringem saroyi, Balmoral qal’asi va Klarens-xausni ochishni rejalashtirmoqda.
Shahzoda Charlz ochishni rejalashtirayotgan saroylar qisman tashrif buyuruvchilarni qabul qiladi. Qirolicha o‘zining Shotlandiyadagi yozgi Balmoral qarorgohida bo‘lgan payti Bukingem saroyi va Vindzor qal’asi iyul oyidan oktabr oyigacha jamoat uchun ochiq bo‘ladi. Balmoral qal’asida esa aprel oyidan iyul oyigacha cheklangan tashriflar uchun ruxsat beriladi. Angliya taxtining merosxo‘ri tashriflar sonining ko‘payishini va saroylar yil davomida ochiq bo‘lishini xohlaydi.
Charlzning rejasiga ko‘ra, hatto monarxlar u yerda bo‘lishiga qaramay, Bukingem va Sandringem saroylari, o‘zining Klarens-xaus rasmiy qarorgohi, Vindzor va Balmoral qal’alari tashrif buyuruvchilar uchun yil davomida ochiq bo‘ladi.
Bunday yangiliklarning asosiy maqsadi sayyohlar oqimining ortishidan olinadigan foydani ko‘paytirish orqali qirollik saroylarining xarajatlarini kamaytirish hisoblanadi. 2020-yilda qirollik mulkining xarajatlari angliyalik soliq to‘lovchilarga 38,3 million funt sterlingga tushgan edi.
Mavzuga doir:
Izoh (0)