“Barselona” La Liga 37-turida “Selta”ga imkoniyatni boy berib (1:2), chempionlik poygasidan chiqdi.

Foto: Twitter

Shu tariqa “ko‘k-anorranglilar” ketma-ket ikkinchi mavsumda Primera g‘olibligini qo‘lga kirita olmadi. O‘tgan mavsum jamoa La Ligada 2-o‘rinni qo‘lga kiritgandi, bunisida esa uchinchi o‘rindan yuqoriga ko‘tarila olmaydi.

“Barselona” 13 yil deganda ilk bor ketma-ket ikki mavsumda La Liga bosh sovrinisiz qoldi. 2006/07-yilgi mavsumda jamoa ikkinchi o‘rinni qo‘lga kiritgan, kelasi mavsumda esa uchinchi bo‘lgandi.

Kataloniya klubi La Liganing bundan avvalgi so‘nggi 12 mavsumida sakkiz marta chempionlikni qo‘lga kiritgandi. Shuningdek, klub bu vaqt oralig‘ida ikkinchi o‘rindan pastlamagan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!