AQShdagi Copart auksioni orqali yonib ketgan McLaren GT avtomobili sotuvga qo‘yiladi. Avtomobil butunlay yonib, kul bo‘lgan — superkarning qayta sotishga arziydigan biror ehtiyot qismi qolmagan. McLaren’ni o‘ziga xos gaz chiqarish tizimi va saqlanib qolgan g‘ildirak diskalari orqali ajratib olsa bo‘ladi, deb yozadi Motor.
Lot ostidagi izohdan bilish mumkinki, uglerod plastik va metall uyumi 2021-yilda ishlab chiqarilgan 212 ming dollarlik McLaren superkari hisoblanadi.
Britaniya kupesi bilan nima sodir bo‘lgani noma’lum, biroq xaridor mashinaning barcha zaruriy hujjatlarini ham qo‘lga kiritishi mumkin. Yonib ketgan superkar hozirda Texasda saqlanmoqda.
Sotuvga qo‘yilgan mazkur mashinaning identifikatsion raqami Amerika ma’lumotlar bazasiga kiritilgan, shu sababli superkarning hujjatlaridan jinoiy maqsadlarda foydalanish imkonsiz.
Avvalroq butkul yonib ketgan Aston Martin, Singer Porsche va BMW Z8 sotuvga qo‘yilgani to‘g‘risida xabar berilgandi.
Mavzuga doir: Hummer’ida ortiqcha benzin olib ketayotgan amerikalik tasodifan mashinasini yoqib yubordi
Izoh (0)