Toshkentdagi Botanika bog‘i hududida 16-may kuni soat 12:00 atrofida yong‘in kelib chiqdi. Bu haqda “Daryo”ga mushtariylar ma’lum qildi: hodisa joyidan olingan videolavhalar Telegram’dagi kanallarda e’lon qilingan.
“Daryo” mushtariylaridan birining ma’lum qilishicha, Botanika bog‘i uzra quyuq bo‘lmagan qora tutun ko‘tarilgan; boshqa bir mushtariy sirenalari yoqilgan o‘t o‘chirish mashinasi Botanika bog‘ining Bog‘ishamol ko‘chasi bo‘yidagi darvozasidan kirib ketayotganiga guvoh bo‘lgan.
Hodisa yuzasidan poytaxt o‘t o‘chirish xizmatidan tezkor izoh olish imkoni hozircha bo‘lgani yo‘q.
Izoh (0)