Ramazon hayiti munosabati bilan O‘zbekiston Prezidenti Shavkat Mirziyoyev nomiga xorijiy davlatlar yetakchilari, nufuzli xalqaro tashkilotlar rahbarlari, taniqli siyosat va jamoat arboblari, ulamolardan samimiy tabrik va tilaklar izhor etilgan qutlovlar kelmoqda.
Prezident matbuot xizmatining xabar berishicha, xorijiy hamkorlar o‘z tabriknomalarida ko‘p millatli o‘zbek xalqiga tinchlik-osoyishtalik, farovonlik va ravnaq tilab, O‘zbekiston bilan do‘stlik munosabatlarini yanada mustahkamlash va ko‘p qirrali hamkorlikni kengaytirish borasidagi intilishi qat’iy ekanini tasdiqlagan.
Xususan, quyidagilar o‘z tabriklarini yo‘llagan:
- Saudiya Arabistoni Podshohi, Ikki muqaddas masjid xodimi Salmon ibn Abdulaziz Ol Saud;
- Turkiya prezidenti Rajab Toyyib Erdo‘g‘on;
- Qozog‘istonning birinchi prezidenti — elboshi Nursulton Nazarboyev;
- Qozog‘iston prezidenti Qosim-Jo‘mart To‘qayev;
- Turkmaniston prezidenti Gurbanguli Berdimuhamedov;
- Tojikiston prezidenti Emomali Rahmon;
- Qirg‘iziston prezidenti Sadir Japarov;
- Ozarbayjon prezidenti Ilhom Aliyev;
- Afg‘oniston prezidenti Muhammad Ashraf G‘ani;
- Eron prezidenti Hasan Ruhoniy;
- Misr prezidenti Abdulfattoh as-Sisi;
- Birlashgan Arab Amirliklari prezidenti Xalifa bin Zoid Ol Nahayon;
- Quvayt Amiri Navaf al-Ahmad al-Jobir as-Saboh;
- Ummon sultoni Haysam bin Toriq Al Said;
- Bahrayn podshohi Hamad bin Iso Al Xalifa;
- Iordaniya podshohi Abdulla II;
- Jazoir prezidenti Abdulmajid Tabbun;
- Tunis prezidenti Qais Said;
- Singapur prezidenti Halima Yoqub;
- Falastin prezidenti Mahmud Abbos;
- Saudiya Arabistoni podshohligi valiahdi, Vazirlar Kengashi raisi o‘rinbosari, mudofaa vaziri Muhammad ibn Salmon ibn Abdulaziz Ol Saud;
- Birlashgan Arab Amirliklari Qurolli kuchlari Oliy bosh qo‘mondoni o‘rinbosari, Abu-Dabi Amirligi valiahdi Muhammad bin Zoid Ol Nahayon;
- Birlashgan Arab Amirliklari vitse-prezidenti, bosh vaziri, Dubay amirligi hokimi Muhammad bin Roshid Ol Maktum;
- Quvayt valiahdi Mishaal al-Ahmad al-Jobir as-Saboh;
- Singapur bosh vaziri Li Syan Lun;
- Islom taraqqiyot banki guruhi prezidenti Bandar bin Muhammad Hamza Hadjar;
- Turkiy kengash bosh kotibi Bag‘dod Amreyev;
- Iqtisodiy hamkorlik tashkiloti bosh kotibi Hodi Sulaymonpur;
- Kavkaz musulmonlari idorasi raisi shayxulislom Ollohshukur Poshshozoda.
Avvalroq Shavkat Mirziyoyev O‘zbekiston xalqiga Ramazon hayiti munosabati bilan bayram tabrigi yo‘llagandi. Davlat rahbari Qozog‘istonning birinchi prezidenti, elboshi Nursulton Nazarboyev, Qirg‘iziston prezidenti Sadir Japarov, Turkiya prezidenti Rajab Toyyib Erdo‘g‘on bilan telefon orqali muloqot qilib, bir-birini Ramazon hayiti bilan tabriklagandi.
Izoh (0)