Oxirgi uch yil ichida hududiy dasturlar doirasida 16 trillion so‘mlik kredit hisobiga amalga oshirilgan 4,2 mingta loyihaning 50 foiz pul tushumlari bankdan tashqari aylanyapti. Bu haqda Prezident Shavkat Mirziyoyev raisligida 12-may, chorshanba kuni o‘tkazilgan yig‘ilishda davlat rahbari qayd etdi, deya xabar bermoqda “Daryo” muxbiri.
Qashqadaryo viloyatida 477 ta loyiha, Surxondaryo viloyatida 463 ta, Qoraqolpog‘istond 424 ta, Xorazm viloyatida 415 ta, Namanganda 414 ta, Andijonda 370 ta, Farg‘onada 356 ta hududiy dasturlar doirasida kredit hisobiga amalga oshirilgan minglab loyihalar mavjud.
Bu raqamlar hudud va tarmoqlardagi loyihalar faqatgina kredit olish maqsadida, “ko‘zbo‘yamachilik” uchun amalga oshirilyapti, degani emas-mi?
Joylarda kredit hisobidan amalga oshirilayotgan loyihalarning aksariyatida infratuzilmaga ulash, texnolog, marketolog topishda yordam berish, mahsulot bozorini topish orqali, uni sotishga ko‘maklashish yo‘lga qo‘yish bo‘yicha birorta tarmoq, hudud, sektor va tijorat banklari rahbarlari tizimli ishlarni tashkil etmayapti”, — dedi Prezident.
Davlat rahbari mas’ul vazirlik va tashkilot rahbarlariga viloyat, tuman va shahar hokimlari, sektor va tijorat banklari rahbarlari bilan birga, ikki oy muddatda ushbu korxonalar muammolarini aniqlab, ularni “soyadan” chiqarish choralarini ko‘rishni qat’iy ta’kidladi.
“Yo‘ldoshev, Turobov, Bosh prokuratura departamenti davlat dasturlari doirasida amalga oshirilayotgan loyihalar bo‘yicha belgilangan parametrlarning bajarilishi (raqamlarni bo‘rttirib ko‘rsatish ko‘plab uchramoqda), kreditlarning maqsadli ishlatilishi bo‘yicha kunlik nazorat o‘rnatsin va aybdorlarga nisbatan qat’iy choralar ko‘rish yuzasidan har oyda Prezident Administratsiyasiga axborot kiritib borsin”, — dedi Shavkat Mirziyoyev.
Izoh (0)