Internetda TikTok foydalanuvchisi Kattaqo‘rg‘on bog‘ida joylashgan Alisher Navoiy haykali oldida noo‘rin xatti-harakatlarni amalga oshirgani tasvirlangan video tarqaldi. Samarqand viloyati IIB matbuot xizmatining ma’lum qilishicha, ushbu fuqaroga nisbatan chora ko‘rilgan.
Ma’lum qilinishicha, Alisher Navoiy haykali oldida noo‘rin xatti-harakatlar sodir etgan kattaqo‘rg‘onlik 24 yoshli yigitning shaxsi aniqlangan. Unga nisbatan nisbatan Kattaqo‘rg‘on shahar IIB tomonidan tegishli tartibda hujjatlar rasmiylashtirilgan.
“Katta xato qildim. Butun O‘zbekiston yuzini yerga qaratibman. Hammangizdan chin yurakdan kechirim so‘rayman”, — deydi fuqaro I.P.
Sud qarori bilan yigit hamda uning sherigiga nisbatan 15 sutka ma’muriy qamoq jazosi tayinlangan.
Avvalroq Buxoroda TikTok uchun drift qilgan haydovchiga chora ko‘rildi, “Jiguli”si jarima maydoniga joylashtirilgani, samarqandlik ikki yigit TikTok’da layk yig‘ish uchun o‘zini tomdan tashlagani hamda harakatlanayotgan Spark ustiga chiqib olgan yigit videosini TikTok’ka joylashtirganlar jarimaga tortilgani haqida xabar berilgandi.
Izoh (0)