10-may kuni Namangan viloyati Chortoq tumanining shimoliy qismlari joylashgan Poromon va Hazratishoh qishloqlariga kuchli do‘l yog‘di. Bu haqda Telegram’dagi “Gidrometrologik ilmiy tahlillar, ob-havo bashoratlari, tadqiqotlar, ma’ruzalar” kanalida ma’lum qilindi.
Surat Poromon qishlog‘ining mahalliy aholisi tomonidan olingan bo‘lib, unda do‘ldan keyingi ko‘cha tasvirlangan.
“Mutaxassislar tomonidan do‘lning qishloq xo‘jaligiga keltirgan zarari o‘rganilmoqda”, — deyiladi xabarda.
Avvalroq Andijonda kuchli sel kelishi oqibatida ikki bola suvda oqib ketib, halok bo‘lgani, Samarqandda kuchli yomg‘ir sababli Damas soyga tushib ketgani to‘g‘risida xabar berilgandi.
Izoh (0)