“Fulhem” klubi Angliya Premyer Ligasining 35-turida “Byornli”ga yutqazib qo‘ydi (0:2).

Foto: Twitter

Ushbu mag‘lubiyatdan keyin londonliklar 18-o‘rindan yuqoriga ko‘tarila olmasligi aniq bo‘ldi.

Shu tariqa “Sheffild Yunayted” va “Vest Bromvich” ortidan “Fulhem” ham Premyer Ligani tark etadigan bo‘ldi.

APL tarixida ilk bor mavsum tugashiga hali uch tur qolganda ligani tark etadigan barcha jamoa nomi ma’lum bo‘ldi.

Chempionshipdan esa “Norvich” va “Uotford” oliy divizion yo‘llanmasiga ega chiqqan, uchinchi jamoa pley-offdan keyin ma’lum bo‘ladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!