Belarusda COVID-19’ga qarshi vaksina ishlab chiqildi. Bu haqda mamlakat prezidenti Aleksandr Lukashenko ma’lum qildi, deb yozadi “RBK”.
“Kecha o‘z vaksinamizni oldik. U hozir sotib olayotganimizdan farq qiladi. Shifokorlar aytganidek “jonli vaksina”, — dedi Lukashenko.
Shu bilan birga, davlat rahbari Belarus o‘z vaksinasini qo‘llashga shoshilmasligini ta’kidladi, chunki kasallik o‘zgarishi va yuzaga keladigan yangi shtamm “umuman boshqacha” bo‘lishi mumkin. Uning so‘zlariga ko‘ra, hozirgi vaksinalar koronavirusning yangi turlariga qarshi yordam berishiga kafolat yo‘q.
“Vaksinamizni o‘zimizda paydo bo‘ladigan shtammga moslashtiramiz. Kim bilsin, ertaga nima bo‘ladi ”, — dedi u.
Lukashenko 1-aprel kuni Belarusda koronavirusga qarshi vaksina yaratish to‘g‘risidagi buyruqni imzolagan. Unga ko‘ra, Sog‘liqni saqlash vazirligi va Belarus Milliy Fanlar akademiyasi 2021–2023-yillarda vaksina yaratish bilan shug‘ullanadi.
Rossiya Sog‘liqni saqlash vazirligi “Sputnik Layt” koronavirusiga qarshi bir komponentli vaksinani ro‘yxatdan o‘tkazdi.
“Immunizatsiyadan keyin 28-kundan boshlab bir komponentli vaksinaning samaradorligi 79,4 foizni tashkil etdi”, — deyiladi preparatni yaratishni nazorat qiluvchi Rossiya to‘g‘ridan to‘g‘ri investitsiya fondining press-relizida.
Qayd etilishicha, xorij bozorlarida ushbu vaksinaning narxi 10 dollardan kam bo‘ladi.
“Sputnik Layt”dan epidemiologik jarayonning noqulay rivojlanishi sharoitida aholi immunitetini tez shakllantirish uchun foydalanish mumkin”, — deb qo‘shimcha qildi Sog‘liqni saqlash vazirligi.
Mart oyi oxirida Rossiya Sog‘liqni saqlash vazirligiga “Sputnik Layt” vaksinasini ro‘yxatdan o‘tkazish uchun ariza topshirilgan edi.
Ma’lumot uchun “Sputnik Layt” bu “Sputnik V” vaksinasining yengilroq ko‘rinishi bo‘lib, u faqat bir komponentdan iborat va faqat bir dozada qabul qilinadi.
Izoh (0)