Yevropa ittifoqi va Buyuk Britaniya Londonda YeIning doimiy vakolatxonasini tashkil qilish borasida kelishuvga erishilganini e’lon qildi. Bu haqda Yevroittifoq tashqi siyosiy xizmati rahbari Jozep Borrel hamda Buyuk Britaniya TIV rahbari Dominik Raabning Londondagi “yettilik” yig‘ilishlaridagi ikki tomonlama uchrashuvlari vaqtida qo‘shma bayonot berdi, deb yozmoqda “TASS”.
“Yevroittifoqning pragmatizm va ezgu irodaga asoslangan diplomatik missiyasining Buyuk Britaniyada tashkil etilganidan mamnunmiz. YeI elchisi xorijiy mamlakatlarning diplomatik missiyalari rahbarlari maqomiga ega bo‘ladi va davlat rahbarining ishonch yorliqlarini qabul qilib oladi. Yevroittifoq missiyasining xodimlari diplomatik imtiyozlar, samarali ishlash uchun immunitetga ega bo‘ladi va biz global chaqiriqlarga javob berish uchun olg‘a borishga tayyormiz”, – deyiladi hujjatda.
Buyuk Britaniyaning Bryusseldagi vakolatxonasi Brexit amalga oshgunga qadar, ya’ni Birlashgan qirollikning Yevroittifoq tarkibidan chiqqunigacha ham ham mavjud bo‘lgan. 2020-yil dekabr oyida Buyuk Britaniya va Yevropa Ittifoqi Brexit bo‘yicha savdo bitimini imzolagandi.
Borrel va Raab Yevroittifoq hamda Buyuk Britaniya o‘rtasidagi tashqi siyosat, xavfsizlik, ikki tomonlama munosabatlar, global muammolar, iqlim o‘zgarishlari masalalarini hal etish, Kiprdagi vaziyatni tartibga solish borasida ham fikr almashgan.
Izoh (0)