Meksika poytaxti Mexiko shahrida sodir bo‘lgan metro ko‘prigi qulab tushishiga konstruksiyaning shikastlanishi sabab bo‘lgan. Bu haqda shaharning infratuzilma loyihalari va xizmatlari boshqarmasi rahbari Xesus Esteva o‘z intervyusida aytib o‘tdi, deb yozadi “RBK”.
“Avariyaga konstrukturaviy qismlar tarkibiy tuzilishiga zarar yetishi sabab bo‘lganiga shubha yo‘q. Ya’ni metall konstruksiyalar, xususan, yuqori qismi beton elementlaridan iborat metall to‘sinlarni nazarda tutyapman”, — deya o‘z fikrini bayon qildi boshqarma vakili.
Shu bilan birga, 27 kishining hayotiga zomin bo‘lgan fojianing aniq sababi Norvegiyaning DNV kompaniyasi mutaxassislari bilan birgalikda prokuratura tomonidan aniqlanishi qayd etib o‘tildi.
Eslatib o‘tamiz, mahalliy vaqt bilan 3-may kuni 22:30 da (Toshkent vaqti bilan 4-may 08:30) Meksika poytaxtida 12-metro liniyasi ko‘prigi poyezd o‘tib ketayotgan paytda qulab tushgan. Hodisaga metro ko‘prigi ustunlaridan biriga avtomobil kelib urilishi sabab bo‘lgan.
Shahar meri Klaudiya Sheynbaumning bayonotiga asoslanib, El Universal nashri hodisada halok bo‘lganlar soni 27 kishiga yetgani haqida xabar berdi. Undan avval shahar meri qurbonlar soni 23 kishiga yetgani, ular orasida voyaga yetmaganlar ham borligi to‘g‘risida bayonot bergan edi.
Meksikada metro halokati qurbonlari xotirasiga uch kunlik motam e’lon qilindi. 7-mayga qadar davlat bayroqlari yarim tushirilgan holda bo‘ladi.
Mavzuga doir:
- Mexikoda metro ko‘prigi poyezd bilan birga qulab tushdi, 13 kishi halok bo‘lib, 70 kishi jabrlandi (video)
- Mexikoda metro ko‘prigi qulashi oqibatida halok bo‘lganlar soni 23 kishiga yetdi (foto)
- Qohirada 9 qavatli bino qulab tushdi, 22 kishi halok bo‘ldi (foto)
- Hindistondagi stadionda 1,5 ming tomoshabin o‘tirgan tribuna qulab tushdi (video)
Izoh (0)